ខេត្តស្ទឹងត្រែង៖ ឯកឧត្ដម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន
បានដឹកនាំគណៈប្រតិភូនៃក្រសួងសាធារណការ និងដឹកជញ្ជូនមកកាន់ខេត្តស្ទឹងត្រែង ដោយមានការចូលរួមពីសំណាក់ឯកឧត្ដម ឈាង ឡាក់ ប្រធានក្រុមប្រឹក្សាខេត្ត និងឯកឧត្ដម ម៉ុម សារឿន អភិបាលនៃគណៈអភិបាលខេត្ត ដើម្បីជួបសំណេះសំណាលជាមួយថ្នាក់ដឹកនាំមន្ទីរ មន្ត្រីរាជការ និងបុគ្គលិកនៃមន្ទីរសាធារណការ និងដឹកជញ្ជូនខេត្តស្ទឹងត្រែង ព្រមទាំងចុះពិនិត្យស្ថានភាពកំណាត់ផ្លូវជាតិលេខ៧ ពីខេត្តស្ទឹងត្រែង ដល់ខេត្តក្រចេះ។ ក្នុងឱកាសនៃពិធីជួបសំណេះសំណាលនោះ ឯកឧត្ដមទេសរដ្ឋមន្ត្រី បានដោះស្រាយសំណូមពរមួយចំនួនធំរបស់មន្ទីរសាធារណការនិងដឹកជញ្ជូនខេត្ត និងសំណូមមួយចំនួនរបស់ថ្នាក់ដឹកនាំខេត្តក្នុងការដោះស្រាយបញ្ហាប្រឈមក្នុងមូលដ្ឋាន ព្រមទាំងឧបត្ថម្ភថវិកាជូនមន្ត្រីរាជការមន្ទីរសាធារណការ និងដឹកជញ្ជូនខេត្ត ក្នុងម្នាក់ៗ ៥មឺនរៀល។